Iwwert d'Léieren
Mer ënnerscheeden 3 Zorte vu Gediechtnes:
- D’visuellt Gediechtnes
- D’auditivt Gediechtnes
- D’abstrakt Gediechtnes
Dës 3 Forme gi nach ënnerdeelt an:
- Dat baussendst Gediechtnes – séch un eppes erënneren
- Dat ënnert Gediechtnes – séch eppes ënnerléch virstelle kënnen
Dat visuellt Gediechtnes muss fäeg sinn:
- Eenzel Zeechen a Nouten
- Noutegruppen, Tounlederfiguren, Dreikläng an Dreiklängfiguren
- Rittmusfiguren
- Phraséierungen etc.
ze erkennen, se séch ënnerlech virstelle kënnen an eng blëtzschnell Verbindung mam auditive Gediechtnes ze maachen.
Dat auditivt Gediechtnes muss fäeg sinn:
- Eenzel Téin a Melodien
- Rittmen a Rittmusformelen
- Intervallen an Dreikläng
- Tounarten a Kadenzschrëtter etc.
ze erkennen a se séch ënnerlech virstelle kënnen.
Dat abstrakt Gediechtnes soll de Schüler séier zum Verstoe vun der Museksschrëft bréngen:
- der Analys vu Melodien, Rittmen an Zeechen wéi z.B. Dreiklangbezeechnungen etc.
- dem Erkenne vun theoreteschen Zesummenhäng
- dem séiere begräiffe vun enger Transpositioun
- dem Verstoe vu Museksstiler etc.
Fir de weideren Erfolleg am Enseignement, muss den Enseignant nach déi verschidde Léiertypen a Betracht zéien:
1. Den auditiven Typ
Hie léiert iwwert säi Gehéier, duerch d’Nolauschteren an hie wellt dann di néideg Argumenter duerch e Gespréich kréien.
2. De visuellen Typ
Hie léiert duerch Observatioun an aus Erfahrung. Hien huet et méi liicht, d’Grafik vum Noutebild ze verstoen.
3. De manuellen Typ
Hie muss alles upaken, fir et ze verstoen. Hie brauch säin Instrument, dat e spillt, fir d’Musek ze verstoen.
4. Den intellektuellen Typ
Him geet et duer, eng schrëftlech Informatioun ze hunn. Hie muss op jiddefall eppes auswenneg léieren, fir et dann ze verstoen.
Beim Léiere mussen och déi verschidden Agangskanäl beuecht ginn, déi et dem Schüler erméiglechen, eppes opzehuelen an ze verstoen:
- D’Oueren
- D’Aen
- D’Gefill
- Den Taaschtsënn
- D’Stëmm
- De Kierper
All dat passt zouenaner a muss am Unterrécht berücksichtegt ginn!
D’Kombinatioun vun den Handzeeche mat der Solmisatioun hëlleft dem auditiven, dem manuellen an dem visuellen Typ. En Hëllefsmëttel, dat op jiddefall gebraucht soll ginn!
Dës Bemierkung gëlt och fir d’Rittmussprooch.
Am Enseignement ass et gutt, gelégentlech op esou Hëllefsmëttelen zeréckzegräifen, fir e gutt Resultat ze kréien.
